Маҳсулоти лозима:

700 грамм гӯшти мурғ, 3 дандона сирпиёз, 1 бандча ҷаъфарӣ ва шибит, 1, 5 қошуқ желатин, 1 қошуқча намак, мурч.

Тарзи таҳия:

Гӯшти мурғ ва кабудиро реза карда, бо сирпиёзи куфташуда омезиш диҳеду ба қимаи омодашуда желатинро илова кунед. Желатинро тар кардан лозим нест, баъди 25 дақиқа дам мекунад. Мурғи кабудиву желатиндорро дар коғази фолга гузошта, атрофашро маҳкам кунеду бо даст ба шакли росткунҷа дароред. Рулетро дар ҳарорати 180 дараҷа муддати 45 дақиқа пазед.