9-уми декабр дар қароргоҳи Конфедератсияи футболи Осиё воқеъ дар Куала-Лумпур маросими қуръакашии марҳилаи интихобии Ҷоми Осиё-2027 баргузор мешавад ва дар он рақибони тими миллии Тоҷикистон муайян мегарданд.

Бино ба иттилои ТВ “Варзиш”, чорабинии мазкур соати 12:00 ба вақти Душанбе оғоз мешавад.

Дар ҷараёни қуръакашӣ яккачини Тоҷикистон, ки дар зинаи 104-уми раддабандии ФИФА қарор дорад, дар сабади аввал қарор гирифта, дар марҳилаи интихобии Ҷоми Осиё-2027 дар як гурӯҳ бо Сурия, Тайланд, Лубнон, Ветнам ва Ҳиндустон бозӣ мекунад.

Аз рӯи натиҷаи қуръакашӣ шаш гурӯҳ иборат аз чордастаӣ ташкил карда мешавад. Танҳо ғолибони гурӯҳҳо ба қисми ниҳоии Ҷоми Осиё-2027 роҳ меёбанд.

Таркиби сабадҳо барои маросими қуръакашӣ чунин аст:

Сабади 1: Сурия, Тайланд, Тоҷикистон, Лубнон, Ветнам, Ҳиндустон.

Сабади 2: Малайзия, Туркманистон, Филиппин, Афғонистон, Ҳонконг, Яман.

Сабади 3: Сингапур, Малдив, Тайпеи Чин, Мянма, Непал, Бутан.

Сабади 4: Бруней, Бангладеш, Лаос, Тимори Шарқӣ, Покистон, Шри-Ланка.