Бо ибтикори Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Федератсияи футболи Тоҷикистон бахшида ба Рӯзи Модар ва Ҷашни Наврӯз дар пойтахти кишварамон, шаҳри Душанбе Мусобиқаи ҷумҳуриявӣ оид ба футбол байни бонувони то 17-сола баргузор гашт.

Мусобиқа як ҳафта идома ёфта, дастаҳои духтарони футболбози тоҷик бо ҳамдигар қувваозмоӣ намуданд. Имрӯз дар Варзишгоҳи марказии шаҳри Душанбе маросими тантанавии ҷамбасти Мусобиқаи Ҷумҳуриявӣ оид ба футбол байни бонувони то 17-сола баргузор гашта, ғолибони мусобиқа соҳиби ҷоизаҳо гаштанд.

Ҷойи аввал насиби духтарони футболбози дастаи “Хатлон-1” гашт. Тими духтарони футболбози “Душанбе”-и шаҳри Душанбе соҳиби ҷойи дуюм гашта, дастаи занонаи футболи “Хатлон-2” зинаи сеюмро ишғол намуд.

Нӯшофарин Сӯфиева нишонзани беҳтарин, Омина Ҳусейнова бозингари беҳтарин ва Элмира Қаршиева дарвозабони беҳтарин дониста шуданд.