Arzon Navruz
НУҚРА РАҲМАТОВА ШАВҲАРАШРО АЗ ДАСТ ДОД
5358

 

Бахталӣ Сабзалиев, Ҳунарманди халқии Тоҷикистон, ҳунарманди маъруфи театр ва синамои тоҷик дар синни 87-солагӣ дар шаҳри Душанбе даргузаштааст. Маҳина Сабзалиева, духтари ҳунарманд дар суҳбат ба Радиои Озодӣ гуфтааст, ки падараш санаи 16-уми октябр дар ҳалқаи хонавода вафот кардааст.

Сабзалиев зодаи ноҳияи Рӯшони ВМКБ буда, соли 1958 Донишгоҳи театрии ба номи М.Шепкини шаҳри Маскавро хатм кардаву қариб тамоми умр дар Театри давлатии академӣ-драмавии ба номи Лоҳутӣ фаъолият кардааст. Тамошобинон Сабзалиевро аз нақши Жанд дар намоишномаи “Рустаму Сӯҳроб”-и Ғанӣ Абдулло ва аз нақши Балъамӣ дар намоишномаи “Рӯдакӣ”-и Сотим Улуғзода мешиносанд. Ҳамчунин, ҳунарманд дар филмҳои “Ман бо духтаре вохӯрдам” ва “Ливои оҳангар” нақш офаридааст.

Нуқра Раҳматова, Ҳунарпешаи халқии ҶШС Тоҷикистон ва ҳамсари Бахталӣ Сабзалиев дар яке аз мусоҳибаҳояш гуфта буд, ки бо шавҳараш бори аввал дар рафти наворбардории филми “Ливои оҳангар” шинос шуда, баъдан оила барпо кардаанд. Ин ҷуфти ҳунарманд се фарзанд доранд, ки ҳамаи онҳо дур аз санъат, банди касбу корҳои гуногунанд. Нуқра Раҳматова низ зодаи ноҳияи Рӯшони ВМКБ буда, 78 сол дорад.

Дар чанд моҳи охир театру синамои тоҷик чандин ҳунармандони маъруф, аз ҷумла Хайрӣ Назарова, Мавлуда Обидова, Исо Абдурашидов, Саврӣ Сабзалиева ва Аҳмадшоҳ Улфатшоевро аз даст дод, ки дар ҳақиқат талафоти бузург мебошад.

Поделиться новостью
Шарҳ
(1)
Ошурмамад Бекмамадов 2020-11-08, 17:42
Оила салом. Худо раҳмат кунад акаи Бахталиро. Ҷояшон ҷаннат ва хонаи охираташон обод бошад. Ба апаи Нуқра ва фарзандону наздикони марҳум сабри ҷамилро хоҳонам. Баъдан як савол доштам илтимос фаҳмеду ҷавоб гардонед. Ое Марҳум Бахталӣ Сабзалиев бародари хоҳарон Соро ва маконашон боғи Ҷаннат- Саврӣ Сабзалиеваҳо мебошад? То ҷое ман медонам ҳамаи ин ҳунармандон аз ноҳияи Рушони Бадахшон мебошанд вале ҳама аз як оилаанд е на намедонам. Ташаккур барои хабарҳои дар бораи одамҳои маъруфи советӣ навиштанатон. Хуб мешуд бисертар дар бораи ситораҳои замони советӣ менавиштед. Ман як хонандаи 76 солаи шумо аз деҳаи Дашти ноҳияи Ишкошим, Бекмамадов Ошурмамад мебошам. Умедворам посухи саволи маро хоҳед дод. Дар амони Худованди Яктои Беҳамто сиҳату саломат ва хушҳолу хушрузгор бошед.
Посух
НОМАТОНРО НАВИСЕД
ШАРҲАТОНРО ГУЗОРЕД
Шарҳ
(1)
Ошурмамад Бекмамадов 2020-11-08, 17:42
Оила салом. Худо раҳмат кунад акаи Бахталиро. Ҷояшон ҷаннат ва хонаи охираташон обод бошад. Ба апаи Нуқра ва фарзандону наздикони марҳум сабри ҷамилро хоҳонам. Баъдан як савол доштам илтимос фаҳмеду ҷавоб гардонед. Ое Марҳум Бахталӣ Сабзалиев бародари хоҳарон Соро ва маконашон боғи Ҷаннат- Саврӣ Сабзалиеваҳо мебошад? То ҷое ман медонам ҳамаи ин ҳунармандон аз ноҳияи Рушони Бадахшон мебошанд вале ҳама аз як оилаанд е на намедонам. Ташаккур барои хабарҳои дар бораи одамҳои маъруфи советӣ навиштанатон. Хуб мешуд бисертар дар бораи ситораҳои замони советӣ менавиштед. Ман як хонандаи 76 солаи шумо аз деҳаи Дашти ноҳияи Ишкошим, Бекмамадов Ошурмамад мебошам. Умедворам посухи саволи маро хоҳед дод. Дар амони Худованди Яктои Беҳамто сиҳату саломат ва хушҳолу хушрузгор бошед.
Посух
НОМАТОНРО НАВИСЕД
ШАРҲАТОНРО ГУЗОРЕД