Arzon march 2024
Маблағи грантҳои президентӣ барои бонувон 3 баробар зиёд карда мешавад
198

Бо мақсади дастгирии бештари занону духтароне, ки рӯ ба соҳибкорӣ овардаанд, аз соли 2025 ҳаҷми грантҳои президентӣ барои фаъолияти соҳибкории бонувон якбора 3 баробар зиёд карда шуда, маблағи он ба 15 миллион сомонӣ расонида мешавад.

Ҳадафи Сарвари давлат ва Ҳукумати мамлакат аз зиёд кардани ҳаҷми маблағи грантҳои президентӣ ба шуғлҳои муфид фаро гирифтани бонувон ва ҳавасмандгардонии занону духтарон ба ҳунарҳои мардумӣ мебошад. Имсол 120 нафар бонувон имкон доранд аз маблағҳои бебозгашти грантҳои президентӣ баҳравар гашта, соҳибкории худро рушд диҳанд.

Тавре Пешвои миллат муҳтарам Эмомалӣ Раҳмон рӯзи 7-уми марти соли равон зимни мулоқот бо занони мамлакат хотирнишон намуданд, ҷудо кардани қарзҳои имтиёзнок ва грантҳо яке аз воситаҳои баланд бардоштани имконоти иқтисодии занон ва оилаҳо ба ҳисоб меравад.

Тайи солҳои 2015-2024 барои дастгирии фаъолияти соҳибкории занон ба маблағи 24 миллион сомонӣ грантҳои президентӣ ҷудо карда шудаанд, илова бар ин, аз ҷониби ташкилотҳои қарзии мамлакат ба бонувони соҳибкор 27 миллиард сомонӣ қарз дода шудааст, ки беш аз 6 миллиард сомонии он танҳо ба соли 2024 рост меояд.

Поделиться новостью
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД