Ҳар як калима эҳсосот дорад. Вақте мо калимаи «бизнес»-ро мешунавем, он дар мо як эҳсос, як хотира ё як тасаввур бедор мекунад.
Биёед бубинем, ки калимаи “бизнес” чӣ гуна эҳсосотро бедор мекунад - вобаста ба лаҳн, ҳолат ё нигоҳи шахсӣ, ҳатто имлоӣ:
- Бизнес. - як гуфтаи одӣ. Ором. Бе эҳсоси иловагӣ.
- Бизнес? - ҳайрат, шубҳа, савол. «Оё ман метавонам?» ё «Оё ин рост аст?».
- Бизнес! - илҳом, ҷасорат, қувват. «Ман ҳам метавонам!».
- Бизнес... - сукут ё тафаккур. Фикру мулоҳиза. Гумон. Шояд тарс.
- Бизнес, - ибтидои андеша. Гап дар бораи як идея меравад.
- Бизнес - таъриф. «Бизнес - ин роҳ аст». Ё «ин масъулият аст».
- Бизнес: - диққат! Ҳозир шарҳ меояд. «Бизнес: роҳи озодӣ ва таъсир».
- Бизнес- (ҳамчун пешоянд) - мисли бизнес-нақша, бизнес-лоиҳа, бизнес-муҳит. Як калима, вале бо ҷаҳони пуррае дар паси худ.
Пас чӣ бармеояд?
«Бизнес» - фақат як мафҳум нест.
Ин эҳсос аст. Ғоя аст. Маъно аст.
Ин - мавқеи шахсӣ аст.
Баъзан он илҳомбахш аст,
Баъзан - тарсонанда.
Аммо ҳамеша - бетафовут нест.
Ва акнун фикр кун:
Кист, ки метавонад тафаккури ҷомеаро дар бораи бизнес тағйир диҳад?
Кист, ки метавонад ба ин калима маънии нав диҳад?
🔹 Дуруст - ҷавонон. Яъне ту.
Касе, ки фақат ҳарф намезанад - балки амал мекунад. Месозад. Таъсир мерасонад.
Баъд аз фаҳмидани он, ки паси калимаи «бизнес» чӣ меистад -
ту худат метавонӣ ба он садои нав бахшӣ.
Шояд маҳз нигоҳи ту ба бизнес нуқтаи ибтидоии як насли нави соҳибкорон гардад.
«Се нафар дар TikTok, бе дарназардошти сармоягузор»
Имрӯз соҳибкорӣ на аз офис оғоз мешавад, на аз муҳосибот ва ҳатто на аз нақшаи тиҷоратӣ.
Он аз як видеои кӯтоҳ оғоз мешавад. Аз як ёддошт дар Telegram. Аз як савол: «Агар мо…?».
Масалан, се дӯсти оддӣ дар TikTok:
- Яке дизайн мекунад.
- Дигарӣ видеоро таҳрир мекунад.
- Сеюмӣ аллакай ба сармоягузор паём менависад, гӯё ҳама чиз тайёр аст.
Ва баъзан - ҳамин кифоягӣ мекунад.
Чаро?
Чунки имрӯз шакл не, балки импулс муҳим аст.
Мақом не, балки ғояи дуруст муҳим аст, ки ба лаҳзаи дуруст мувофиқ омадааст.
Соҳибкорӣ - ин қолаб нест. Ин устуворӣ нест.
Ин қобилиятест, ки лаҳзаро эҳсос кунӣ ва ҷиддан кӯшиш намоӣ.
Хаторо зуд бартараф созӣ. Бе фишор ҳама чизро ислоҳ кунӣ. Ва боз аз нав оғоз намоӣ.
Аз китоби Шавкат Бозоров - «Анатомияи бизнес»
https://www.facebook.com/profile.php?id=61574708436821&rdid=Z54ay0UxV7vQ211n#
