Имрӯз, 9-уми январ аз соати 10:00 то 18:00 додани оби нӯшокӣ ба чанд маҳаллаи шаҳри Душанбе муваққатан қатъ мешавад. Дар ин бора Корхонаи воҳиди давлатии “Душанбеводоканал” хабар додааст.

Муваққатан қатъ гаштани оби нӯшокӣ ба корҳои сохтмонӣ дар хиёбони Саъдии Шерозӣ ва васл намудани қубури нави обтаъминкунӣ бо диаметри 60 мм алоқаманд мебошад.

Ҳамин тавр, дар ноҳияи Фирдавсӣ сокинони кӯчаҳои А. Қаҳоров, Соҳилӣ, Н. Қарабоев (то бинои №36), хиёбони Саъдии Шерозӣ (то бинои №24), шаҳраки 10 ва маҳаллаи Қарамишшикори ноҳияи Сино имрӯз то соати 18:00 маҳдудияти дастрасӣ ба оби нӯшокӣ хоҳанд дошт. Аз сокинон хоҳиш карда мешавад, ки об захира намоянд.