Донишгоҳи байналмилалии сайёҳӣ ва соҳибкории Тоҷикистон ба рейтинги ҷаҳонии “Донишгоҳҳои сабз” ворид, ба қатори беҳтарин донишгоҳҳои ҷаҳон дохил ва дар кишвар мавқеи аввалро соҳиб гашт.
Дар ин бора имрӯз роҳбарияти донишгоҳ зимни нишасти матбуотӣ ба хабарнигорон иттилоъ доданд.
“Раёсати донишгоҳ ҷиҳати татбиқи дастуру супоришҳои Пешвои миллат дар самти рақамикунонӣ бо ҷалби сармоягузорӣ ба маблағи беш аз 10 миллион сомонӣ дар ҳамкорӣ бо шарикони хориҷӣ ҷараёни табдили муассисаро ба “Донишгоҳи ҳушманд” роҳандозӣ намудааст ва унсурҳои алоҳидаи он аллакай мавриди истифода қарор гирифта истодаанд”,- омадааст дар резаахбори донишгоҳ.
