Саидҷаъфар Қодирӣ, физики маъруфи тоҷик дар синни 85-солагӣ аз олам даргузашт.

Саидҷаъфар Қодирӣ 20-уми январи соли 1940 дар ноҳияи Москва ба дунё омадааст. Хатмкардаи факултаи физикаи ДДТ (1962), аспирантураи Пажўҳишгоҳи кӯҳшиносии Москва ба номи А. А. Скончинский (1970). Солҳои 1962-1963 лаборант, 1963-1966 ассистент, 1966-1972 муаллими калон, 1973-1998 дотсенти ДДТ, солҳои 1998-2006 дотсенти Донишгоҳи давлатии омўзгории Тоҷикистон ба номи Айнӣ буд. Аз соли 2006 дотсенти кафедраи ҳастаи атоми ДДМТ.

Соли 1971 дар мавзӯи: Ангехти фаъолсозонаи ҳастаҳои атомии баъзе унсурҳои кимиёӣ ва василаи вокуниши бо мақсад таҳлил кардани канданиҳои судманд» (роҳбари илмӣ - профессор Л. П. Старчик, ш. Москва) рисолаи номзадӣ дифоъ кард.

Риштаҳои асосии пажўҳиши Қодирӣ таҳлили фаъолсозонаи канданиҳои судманд, истилоҳоти илмӣ ва забони баёнҳои илмӣ буда, ҳадафи пажўҳишҳои ў бунёд сохтани забони баёнҳои илмӣ, осон гардонидани таълими физика, риёзиёт, нақшакашӣ мебошад.

Муаллифи зиёда аз 270 китобу рисолаю мақолаҳост, ки дар риштаи физика ва усули таълими он, истилоҳшиносӣ эҷоди истилоҳот ва баъзе масъалаҳои забоншиносӣ таълиф шудаанд.