Дар Вилояти Мухтори Кӯҳистони Бадахшон “Академияи футбол” сохта мешавад.
Вазорати саноат ва технологияҳои нав ва Федератсияи футболи Тоҷикистон аз Рустами Эмомалӣ супориш гирифтаанд, ки барои сохтмони бинои “Академияи футбол” ҷойи муносибро интихоб намуда, аз пайи дар амал татбиқ кардани ин лоиҳа шаванд.
Кушода шудани академияи футбол қадами устуворест барои рушди ин намуди варзиш дар байни ҷавонон ва дастгирии тимҳои миллӣ. Банёди академияи футбол барои омода намудани мутахассисони баландихтисос дар бахши футбол барои тимҳои миллии кишварамон ёрӣ мерасонад.
Дар доираи ин лоиҳа баргузор намудани мусобиқаҳои гуногуни варзишӣ барои кӯдакон, наврасон, ҷавонон ва насли калонсол дар назар аст.
