Кормандони Раёсати корҳои дохилӣ дар шаҳри Душанбе ду ҷавони 19-соларо бо гумони шикастани банкоматҳо ва дуздии маблағҳои пулии мавҷуда боздошт намудаанд. Ҳодиса дар ноҳияи Сино рӯй додааст.
“Дар рафти амалиёти фаврӣ-ҷустуҷӯӣ кормандони шуъбаи милитсия ду нафар ҷавонони19-солаи сокини пойтахт - Рамзиддин Ризоев ва Эмомалӣ Амрохоновро бо гумони содир намудани ҷинояти авбошӣ ва дуздӣ боздошт намуданд”,- омадааст дар хабар.
Гуфта мешавад, ки гумонбарон банкоматҳоро шикаста, маблағҳои калони пулироаз мағозаҳо ба яғмо бурдаанд. Айни замон тафтишоти ҳодиса аз ҷониби мақомот идома дорад.
