Дар Тоҷикистон гурӯҳи корӣ барои поин бурдани фоизи қарзҳо фаъолият дорад. Дар ин бора муовини раиси Бонки миллии Тоҷикистон Гулбаҳор Назирӣ хабар дод.
“Гурӯҳи корӣ бевосита бо роҳбарони ташкилотҳои қарзию молиявии кишвар ҷаласаҳои корӣ баргузор намуда, бозбинӣ кардани фоизи қарзҳоеро, ки ба шаҳрвандону соҳибкорон пешниҳод мегарданд, баррасӣ менамояд”,- гуфт ӯ.
Вай таъкид кард, ки дар панҷ соли охир меъёри миёнавазни қарз дар Тоҷикистон бо пули миллӣ аз 28 то 23% ва бо асъори хориҷӣ аз 22 то 11% паст карда шудааст.
