Рӯзи 26-уми декабр дар маҷмааи “Кохи Суруш”-и шаҳри Душанбе маросими супурдани ҷоизаҳои Лигаи футболи Тоҷикистон ба беҳтарин бозингарони мавсими соли 2024 доир гардид.
Манучеҳр Ҷалилов, ҳамлагари дастаи «Истиқлол”-и Душанбе соҳиби ҷоизаи “Беҳтарин бозигари соли 2024” гашт.
Ҷоизаи “Беҳтарин мураббии қаҳрамонии Тоҷикистон байни дастаҳои лигаи олӣ” насиби Зайниддин Раҳимов, сармураббии бошгоҳи футболи «Регар-ТадАЗ»-и шаҳри Турсунзода гардид.
Хайриддин Турахонов аз дастаи «Ҳулбук»-и Восеъ “Беҳтарин бозигари қаҳрамонии Тоҷикистон байни дастаҳои лигаи якум” эълон шуда, Ҷурахон Мирзоев аз ҳамин тим “Беҳтарин мураббии қаҳрамонии Тоҷикистон байни дастаҳои лигаи якум” эълон шуд.
Шоҳин Боев аз дастаи «Моҳир»-и Ёвон бо 25 гол “Беҳтарин нишонзани лигаи якуми Тоҷикистон дар соли 2024” эълон шуд.
Ҷоизаи махсуси “Бозгашти сол” насиби Ҷаҳонгир Алиев аз дастаи “Парвоз”-и Фурудгоҳи байналмилалии Хуҷанд гашт.
Муҳаммад Назриев аз дастаи «Истиқлол»-и Душанбе “Беҳтарин бозигари қаҳрамонии Тоҷикистон байни дастаҳои ҷавонони лигаи олӣ” эътироф шуд.
Рустам Қурбонов аз тими «Истиқлол»-и Душанбе ҷоизаи “Беҳтарин мураббии қаҳрамонии Тоҷикистон байни дастаҳои ҷавонони лигаи олӣ”-ро соҳиб гашт.
Фирӯзҷон Шарипов аз “Истиқлол”-и Душанбе бо 29 гол “Беҳтарин нишонзани ҳайатҳои ҷавонони лигаи олӣ” шумурда шуд.
Насрулло Кабиров аз Норак “Беҳтарин довари Тоҷикистон дар соли 2024” эълон шуд.
Евгений Гритсенко аз дастаи «Равшан»-и Кӯлоб “Беҳтарин дарвозабони лигаи олии Тоҷикистон дар соли 2024” дониста шуд.
Бахтиёр Қаландаров аз «Регар-ТадАЗ»-и шаҳри Турсунзода соҳиби ҷоизаи “Беҳтарин ҳимоятгари лигаи олии Тоҷикистон дар соли 2024” гашт.
Алишер Ҷалилов аз тими «Истиқлол»-и Душанбе “Беҳтарин нимҳимоятгари лигаи олии Тоҷикистон дар соли 2024” эътироф шуд.
Ҷаҳонгир Эргашев аз «Эсхата»-и Хуҷанд “Беҳтарин ҳамлагари лигаи олии Тоҷикистон дар соли 2024” эълон карда шуд.
Манучеҳр Ҷалилов аз тими “Истиқлол”-и Душанбе бо 17 гол “Беҳтарин нишонзани лигаи олии Тоҷикистон дар соли 2024” эълон шуда, соҳиби ҷоитза гашт.
Деян Тумбас аз дастаи «Хуҷанд»-и шаҳри Хуҷанд) “Беҳтарин легионери қаҳрамонии Тоҷикистон-2024” дониста шуд.
Зайниддин Раҳимов аз «Регар-ТадАЗ»-и Турсунзода соҳиби ҷоизаи “Беҳтарин мураббии лигаи олии Тоҷикистон дар соли 2024” гашт.
