Дар шаш моҳи соли равон дар вилояти Хатлон беш аз 32 ҳазору 400 ҷои кории нав таъсис дода шудааст. Аз ин зиёда аз 5 ҳазору 800 ҷои кории доимӣ мебошад.

Мақомоти иҷроияи ҳокимияти давлатии вилояти Хатлон иттилоъ додааст, ки аз ҳисоби шахсони воқеӣ 30 ҳазору 895 ҷой ва аз ҳисоби шахсони ҳуқуқӣ 1 ҳазору 536 ҷои корӣ таъсис дода шудааст.

Ба иттилои расида, дар шаш моҳи соли ҷорӣ 5 ҳазору 838 ҷои корӣ доимӣ, 7 ҳазору 649 ҷои корӣ муваққатӣ ва 18 ҳазору 853 ҷои корӣ мавсимӣ таъсис дода шудааст.

Бо баргузории 176 ярмаркаи ҷойҳои холии корӣ дар шаҳру ноҳияҳои вилояти Хатлон наздики 2 ҳазору 1120 сокин бо ҷои кор таъмин гардидаанд.