Боз як муҳоҷири тоҷик дар Русия ба таври фоҷиавӣ ба ҳалокат расид. Ҳодиса рӯзи 11-март рӯй дода, як марди 42-солаи тоҷик, ки дар шаҳри Санкт-Петербурги Русия кор мекардааст, ба шахтаи лифт афтодааст.

Ба иттилоъи портали 78.ru. муҳоҷири тоҷик ҳангоми иҷрои корҳои сохтмонӣ дар як бинои навсохт дар шаҳри Санкт-Петербург аз ошёнаи 6 ё 7 ба шахтаи лифт афтида, дар ҷойи ҳодиса ба ҳалокат расидааст.

Ҷасади муҳоҷири нокомро барои гузаронидани ташхиси судӣ-тиббӣ ба сардхона-морг бурдаанд.Айни замон таҳқиқот аз болои ин ҳодиса идома дорад ва кормандони мақомоти ҳифзи ҳуқуқ сабабҳои сар задани ин фоҷиаро месанҷанд.