Раиси Маҷлиси миллӣ ва шаҳрдори Душанбе Рустами Эмомалӣ ба хонавода ва наздикони Ҳунарпешаи мардумии Тоҷикистон Асланшоҳ Раҳматуллоев изҳори ҳамдардӣ кардааст.
«Дар робита ба даргузашти Ҳунарпешаи мардумии Тоҷикистон Асланшоҳ Раҳматуллоев ҳамдардии самимӣ изҳор намуда, ба аҳли оила ва наздикони ӯ сабри ҷамил хоҳонам»,- омадааст дар хабар.
Асланшоҳ Раҳматуллоев дар синни 72-солагӣ даргузашт. Саҳми ӯ дар фарҳанги кишвар дар ёди наслҳои зиёд боқӣ хоҳад монд.
Гуфта мешавад, ки ҷанозаи ҳунарпешаи шинохта қарор аст соати 10:00 дар масҷиди ҷомеъи ба номи Имоми Аъзам Абуҳанифа дар шаҳри Душанбе баргузор гардад ва ҷасадашро дар оромгоҳи "Лучоб" дафн намоянд.
