Аз 16 то 18-уми апрел дар Боғи фарҳангӣ-фароғатии Куруши Кабири шаҳри Душанбе намоиш-фурӯши чакан баргузор мегардад.
Бино ба иттилои Кумитаи кор бо занон ва оилаи назди Ҳукумати ҶТ, чорабинии мазкур дар доираи Фестивали ҷумҳуриявии «Сад ранги чакан» доир мегардад.
- Дар ин замина бо ибтикори Кумитаи кор бо занон ва оилаи ҷумҳурӣ 18-уми апрел, соати 08:00 дар Муассисаи давлатии «Боғи Ирам»-и шаҳри Душанбе даври ҷамъбастии Озмуни ҷумҳуриявии «Кадбонуи беҳтарин» доир мегардад,- меафзояд манбаъ.
Гуфта мешавад, ки ҳамзамон, 19-уми апрел, соати 18:00 дар Маҷмааи фарҳангии «Аҳорун» (Амфитеатр) даври ҷамъбастии Фестивали ҷумҳуриявии «Сад ранги чакан» гузаронида мешавад.
