Терапияи дукаратаи гениро дар асоси геномии «нобелӣ»-и CRISPR/Cas9 ихтироъ намуданд, ки изи аксари ҳуҷайраҳои сироятёфта аз ВНМО –ро тоза мекунад.

«Хулосаи табобати бомуваффақияти беморони ВНМО бо иваз кардани ҳуҷайраҳои мағзи устухон моро ба хулосае овард, ки барои пурра аз вирус халос шудан на танҳо баданро аз вирус тоза кардан, балки тамоми ретсепторҳои CCR5-ро аз вирус хориҷ кардан лозим аст. Мо як тартиби хеле содаи дар амал татбиқшавандаро таҳия кардем, ки имкон медиҳад ин мушкилро бо ёрии тазриқҳои генотерапия дар асоси CRISPR/Cas9 ҳал кунем," гуфтааст Камел Халилӣ, профессори Донишгоҳи Темпл дар Филаделфия (ИМА).

Маркази матбуотии Донишгоҳ дар хабари худ ҳамчунин гуфтааст, ки биологҳои молекулярии амрикоӣ дар асоси ин навъи муолиҷа ДНК-и ҳуҷайраҳои иммунии солимро тавре тағир медиҳанд, ки ба ҳамлаҳои вирусӣ осебпазир шаванд. Дар ҳоли ҳозир дар ҷаҳон чаҳор нафар аз “ВИЧ” комилан шифо ёфтаанд.

Профессор Халилӣ ва ҳамкасбони ӯ дар асоси муҳаррири геномҳои CRISPR/Cas9 як табобати генро таҳия кардаанд, ки имкон медиҳад ин раванд бидуни дахолати ҷарроҳӣ анҷом дода шавад.

Профессор дар якҷоягӣ бо ҳамкасбонаш нақша доранд, ки усулҳои нави муассири интиқоли терапияи гениро дар амал санҷида бо ин усул сироятёбиро барҳам диҳанд ва табобати ин бемориро ба мардум дастрас гардонанд.