Мусобиқаи навбатии “Сайри ҷаҳонии ҷудо” - ин мусобиқаи Tashkent Grand Slam 2025 мебошад, ки дар шаҳри Тошканд баргузор мегардад. Тибқи иттилои Федератсияи байналмилалии ҷудо Тоҷикистонро дар ин мусобиқа 17 ҷудокор намояндагӣ хоҳанд кард.

Мусобиқа рӯзи 28-уми феврал оғоз ёфта, то 2-юми март идома меёбад.

Федератсияи ҷудои Тоҷикистон 17 нафар (13 мард, 4 зан)-ро ба ин мусобиқа хоҳад фиристод. Ин ҷудокорон Меҳрзод Сӯфиев, Ҳақдод Гулов (-60 кг), Эмомалии Нуралӣ, Умар Шеров (-66 кг), Муҳиддин Асадуллоев, Абубакр Шеров (-73 кг), Суннатулло Мусоев, Муҳаммад Юсуфзода (-81 кг), Умедҷон Раҷабов, Муҳаммадҷон Абдуҷалилзода (-90 кг), Ҷаҳонгир Маҷидов, Кароматулло Ҳакимов (-100 кг), Мансур Раҳмон (+100 кг), Аҳлия Муминова (-48 кг), Мадина Қурбонзода (-52 кг), Александра Кан (-57 кг) ва Виктория Кисилёва (+78 кг) мебошанд.

Ёдовар мешавем, ки соли гузашта дар ин мусобиқа Эмомалии Нуралӣ зери вазни то 66 кг медали тило гирифта буд.