Домуллои муҳтарам. Агар зан бисёр ҳайз бинад, баъд чи гуна намоз мегузорад.

Масалан, дувоздаҳ рӯз намоз мегузорад, баъд ҳайз мебинад. Дар ин ҳолат намозро давом додан мумкин аст?

Манижа

Посух

Хоҳари азиз, дар ҳолати ҳайз гузоридани намоз ва рўза гирифтан манъ аст. Он чи дар табиати шумо мушоҳида мешавад, пас аз дувоздаҳ рўз омадани хун ҳайз нест, балки хуни истиҳоза аст. Ҳукмаш чунин аст, ки намозатро мегузорӣ ва рўза медорӣ. Агар ҷараёни хун баъд аз понздаҳ рўз бошад, он хуни ҳайз аст, ки ҳукмашро зикр кардем.