Рӯзи 14-уми март Вазорати корҳои дохилии Тоҷикистон бо сарварии вазири корҳои дохилӣ Рамазон Раҳимзода ба сохтмони бинои литсейи “Дурахшандагон” оғоз намуд.

Муассисаи таълимӣ дар ҳудуди Академияи милитсия дар шаҳри Душанбе бунёд ёфта, барои 600 нафар пешбинӣ шудааст.

Литсейи “Дурахшандагон” аз ду бинои 3-ошёна иборат буда, дар он 640 нафар муҳассилин дар як баст таҳсил хоҳанд кард.

Тибқи нақша литсей дорои 28 синфхона, маҷлисгоҳ, толори варзишӣ, китобхона, ошхона ва ҳамчунин хобгоҳ барои муҳассилин мебошад.