Ҳамал (21 март-20 апрел)
Имрӯз ба касбу коратон бо диққат муносибат намоед. Эҳтимоли дучор шудан бо фиребкорон зиёд аст, аз ин рӯ ваъдаҳои бегонагонро ҷиддӣ нагиред. Даромади калон ба даст намеояд, аммо саъю талоши шумо беҳуда нахоҳад шуд. Барои рафъи хастагӣ ба саломатӣ аҳамият диҳед. Аз баҳсу моҷаро канораҷӯӣ намуда, нақшаву ниятҳои худро ба касе нагӯед.
Савр (21 апрел-21 май)
Рӯзи самаранок барои корҳои хонагӣ ва ҳаллу фасли масъалаҳои шахсӣ фаро мерасад. Агар рухсатӣ доред, беҳтараш онро бо оромӣ ва истироҳати комил сипарӣ намоед. Бо таъмиру ободонии хона машғул шуданатон фоида меорад. Муносибат бо наздикон нарм мешавад, аммо фикрҳои нохушро аз сар дур созед, вагарна табъи шумо ба атрофиёни азиз таъсир хоҳад кард.
Ҷавзо (22 май-21 июн)
Имрӯз эҳтимоли муноқиша дар хона ва ҷои кор вуҷуд дорад. Аз як сухани носанҷида баҳси калон сар заданаш мумкин аст. Дар муносибатҳои ошиқона сабр ва гузашт талаб карда мешавад. Маблағро боэҳтиёт сарф кунед, зеро имкон дорад бо ваъдаҳои бардурӯғ рӯ ба рӯ шавед. Ҳангоми харид эҳтиёткор бошед, то фиреб нахӯред. Сабру таҳаммул калиди муваффақият аст.
Саратон (22 июн-22 июл)
Барои беҳтар шудани вазъи саломатӣ ба пиёдагардӣ ва машқи ҷисмонӣ машғул шавед. Хоби кофӣ ва ғизои солим ба шумо нерӯи тоза мебахшад. Рӯзи пурмоҷаро дар пеш аст, аз ин рӯ аз баҳсу муноқиша канораҷӯӣ кунед. Бо наздикон муносибати ором дошта бошед, то нофаҳмиҳо сар назананд. Ба саломатии худ таваҷҷуҳ кунед, витамину нерӯбахшҳоро фаромӯш насозед.
Асад (23 июл-23 август)
Барои пешравӣ дар кор маслиҳати ҳамкоронро гӯш кунед ва ба онҳо эътимод намоед. Баъди нисфирӯзӣ вазъи молиявӣ беҳтар мегардад, мушкилиҳоятон тадриҷан ҳал хоҳанд шуд. Ба дӯстону наздикон иҷозати дахолат ба ҳаёти шахсиро надиҳед. Дарди дили худро танҳо бо шахсони боэътимод нақл кунед. Рӯзи серкор, вале умедбахш пешбинӣ мешавад.
Сунбула (24 август-23 сентябр)
Имрӯз муносибат бо шахси наздик метавонад сард шавад, ҳатто канда шавад. Барои ҳал кардани мушкилоти молиявӣ мумкин аст қарз гирифтан лозим ояд. Саломатӣ заиф мешавад, эҳтиёткор бошед. Ба баҳсу моҷаро роҳ надиҳед, вагарна вазъият душвортар мегардад. Ба танқидҳои атрофиён аҳамият надода, бо оромӣ ва сабр рӯзро сипарӣ намоед.
Мизон (24 сентябр-23 октябр)
Рӯзи душвор пешбинӣ мешавад. Эҳтимол нафаре аз наздикон ба муносибатҳои ошиқонаи шумо таъсири манфӣ расонад. Аз пурхӯрӣ ва кори зиёдатӣ худдорӣ кунед, зеро хастагии ҷисмонӣ пеш меояд. Ҳангоми кор бо таҷҳизоти барқӣ бодиққат бошед, хатари ҷароҳат ё заҳролудшавӣ вуҷуд дорад. Аз баҳсу моҷаро канораҷӯӣ намуда, оромиро ҳифз намоед.
Ақраб (24 октябр-22 ноябр)
Аз ҷудоӣ бо шахси дӯстдоштаатон руҳафтода нашавед. Баръакс, барои шод кардани худ меҳмон даъват кунед ё бо дӯстони наздик мулоқот намоед. Барои ақрабҳои наврас рӯзи бобарор аст. Аз саломатӣ ташвиш накашед, хавфи ҷиддӣ вуҷуд надорад. Аммо шомгоҳон ронандагон бояд эҳтиёткор бошанд, зеро эҳтимоли ҷароҳат мавҷуд аст.
Қавс (23 ноябр-21 декабр)
Имрӯз хатари фиреб хӯрдан зиёд аст, аз ин рӯ ваъдаҳои бегонагонро қабул накунед. Дар масъалаҳои молиявӣ эҳтиёткор бошед. Зудбоварӣ ва набудани назорат дар муносибатҳо боиси ноумедӣ мегардад. Эҳсосотро идора кунед, вагарна ашку хафагӣ ба миён меояд. Ба корҳои нав саросема шуда, даст назанед, аввал ҳама чизро бодиққат бисанҷед.
Ҷаддӣ (22 декабр-20 январ)
Имрӯз бо рақибони худ муносибатро беҳтар месозед ва вазъият ором мегардад. Дар ҷодаи муҳаббат агар бо шахсе нав шинос шуда бошед, эҳтиёткориро пеша намоед. Аз баҳсу мунозира канораҷӯӣ кунед, то муноқиша сар назанад. Ба танқиди атрофиён аҳамият надода, ба корҳои шахсӣ ва касбӣ таваҷҷуҳ намоед. Рӯзи муносиб барои таҳкими робитаҳо аст.
Далв (21 январ-20 феврал)
Сатҳи даромади шумо зиёд шуда, имкони оғоз кардани корҳои нав фароҳам меояд. Вақти истироҳат нест, бояд фаъол бошед. Бо наздикон мулоимгуфтор бошед, махсусан агар дар хона сохтмон идома дошта бошад. Саломатӣ ташвиши ҷиддӣ намедиҳад, танҳо эҳтимоли нотобӣ вуҷуд дорад. Рӯзи серкор, вале пурсамар пешбинӣ мешавад.
Ҳут (19 феврал-20 март)
Дар ҷодаи муҳаббат ҳамдигарфаҳмӣ имкон дорад. Шояд оташи муҳаббати кӯҳна аз нав эҳё шавад, ё ишқи нав қалби шуморо ба ларзиш оварад. Агар аз дӯстдоштаи пешинаатон ҷудо шуданӣ бошед, ин корро зудтар анҷом диҳед. Дудилагӣ ва дилкашолӣ карданатон ба худатон зарар мерасонад.
