arzon november
Таъбири хоби афтодани дандон чист?
13824


Шаб хоб дидам, ки як дандонам афтодааст ва ман онро дар дастам дошта истода афсӯс мехӯрам. Мегӯянд, ки дар хоб дандони кас афтад, ягон одами наздикаш аз дунё мегузарад. Аз ҳамин хотир сахт ба ташвиш афтодаам. Мегуфтед, ки таъбири хоби афтодани дандон чист?
Ҷаннатой, сокини ш. Душанбе

Посух
Мувофиқи хобномаҳои исломӣ дандон дар хоб ба аҳли хонавода ва пайвандон ишорат менамояд. Чаҳор дандони пеш-ду дандони боло ва ду дандони поён “Санойб” номида мешавад ва рамзи фарзандон ва фарзандони падар мебошад. Чаҳор дандони баъдӣ, ки бо дандонҳои пеш пайванданд, “Раббият” ном дошта, рамзи тағо ва амак мебошанд. Дандонҳои бо “Раббият” пайванд “Анибб” ном дошта, хоб диданашон ба хешовандони калонсол иртибот дорад. Дандонҳои курсии болоӣ рамзи хешу табори падарӣ, дандонҳои курсии поёнӣ бошанд, рамзи хешвандони модарианд.
Кас хоб бубинад, ки ҷойи дандонаш холист, ягон одами наздикаш аз дунё мегузарад. Диққат додан лозим аст, ки маҳз кадом дандон дар хоб набуд, масалан, агар хоб бубинед, ки дандони курсии поёниатон афтодааст, ба сари ягон хеши модариатон фалокат меояд, агар болоӣ бошад, падарӣ, дандони “раббият” бошад, ба фалокате ишорат менамояд, ки ба сари тағо ё амакатон омада метавонад...
Аммо хоби дидаи шумо-Ҷаннатой бехатар аст. Тавре ки хобномаҳои исломӣ мегӯянд, агар кас хоб бубинад, ки дандонаш афтодаасту онро дар кафи дасташ нигоҳ дошта истодааст, соҳиби даромад, пулу мол, боигарӣ ва сарват мешавад. Дар кафи дасти худ нигоҳ доштани дандон ҳамчунин ба тавлиди тифли навзод дар оила, аниқтараш ба тавлиди фарзанд ва ё хоҳарчаву додарча ишорат менамояд.
Дандонҳои сап-сафед дар хоб нишонаи бою бадавлат шудан инсон будааст. Кас хоб бубинад, ки тамоми дандонҳояш афтодаанд, умри дароз мебинад. Дандони тиллоро хоб дидан аз гирифтор шудан ба беморӣ дарак медиҳад. Дандони тилло ҳамчунин ба паҳн шудани овозаҳои нохуш дар бораи он одам ишорат мекунанд. Хоб бубинӣ, ки дандонҳоят аз чӯб ё шиша сохта шудаанд, эҳтиёт бояд шуд, зеро чунин хоб ба марг ва фалокат алоқамандӣ дорад. Одами қарздор хоб бинад, ки дандонҳояш афтодаанд, аз қарз халос мешавад.

Поделиться новостью
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД