Arzon Banner
СИТОРАҲОИ ҶАҲОН ДАР ГИРДОБИ COVID-19
296

Яғмур Танрисевсин, ҳунарпеша ва тарроҳи 30-солаи турк ба бемории COVID-19 гирифтор шудааст. Ба гуфтаи ҳунарпеша, беморӣ ба ӯ аз ҳамсояҳояш сироят кардааст.

“Чанд ҳамсояи ман ба COVID-19 гирифтор шуданд. Баъдан ман ҳам таб карда, ба дарди сари шадид дучор шудам. Вақте аз ташхиси COVID-19 гузаштам, ҷавобаш мусбӣ баромад. Ҳоло дар хона ба карантин фаро гирифта шуда, табобат мегирам”,-мегӯяд ҳунарпеша. Яғмурро тамошобинон аз силсилафилмҳои “Дар интизори офтоб” ва “Ду дурӯғгӯй” мешиносанд. Ксения Мишина, ҳунарпешаи 31-солаи севастополӣ низ ба COVID-19 гирифтор шудааст. “Ҳолам хуб аст, вале бӯй ва маззаро ҳис намекунам. Табобатам ду ҳафтаи дигар тӯл мекашад”,-мегӯяд ҳунарпеша.

Ксения бо филмҳои “Ҳамсояи бад” ва “Ҳақиқати урён” машҳур аст. Ҳамчунин, Алёна Савраненко, рэпсарои 29-солаи украинӣ, ки бо тахаллуси “Alyona Alyona” шинохта аст, ба COVID-19 мубтало гаштааст.

“Ягона беморие, ки маро азият медод, гайморит буд. Вақте як қисми биниям варам карду ба назди духтур рафтам, дар беморхона ташхис нишон дод, ки мубталои  COVID-19 гаштаам”,-мегӯяд овозхон. Алёна афзудааст, ки алҳол бӯй ва тамъро намефаҳмад ва дар карантин қарор дорад.

Поделиться новостью
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД