Шаҳло Ҳафизова яке сарояндаҳои ҷавону хушовоз ва соҳибистеъдоди тоҷик мебошад, ки бо сурудҳои дилнишин ва садои форамаш дар дилу дидаи мардум маъво гирифта, маҳбуби ҳамагон гаштааст. Ин бонуи ҳунар чанд рӯз қабл клиптаронаи навашро бо номи " Хиёнат " дар ютуб-канали хеш пешкаши дӯстдорони санъати асил гардонд.
Ин клиптаронаро аз рӯзи нашр то имрӯз зиёда аз 195 ҳазор нафар тамошо кардаанд. Матни суруд аз Давлатбеки Одинабек буда, оҳанг аз Саидназари Хуршед аст.
Дар ин клиптарона нақшҳои асосиро Парвиз Ашуров ва Амина Ҳафизова иҷро кардаанд.
Ёдовар мешавем, ки чанд муддат қабл ин сарояндаи маҳбуб зуд- зуд клиптарона пешниҳод кардани дигар сарояндагонро танқид намуда чунин гуфта буд:"Ин нав модда шудааст, ки бояд ҳар ҳафта суруди нав барорӣ. Чизи хуб вақти зиёд талаб мекунад. Дар дигар давлатҳо сарояндагон дар як сол аз 2 суруд зиёд намебароранд”.
