Олимон аз донишгоҳи Сеченеви Русия тадқиқот гузаронида, ба хулосае омадаанд, ки шахсони бемории “COVID-19”-ро аз сар гузаронида бо мушкили вайроншавии устухон рӯ ба рӯ гашта метавонанд.
Олимони донишгоҳи Сеченов ҳушдор додаанд, ки бемории хатарноки остеонекроз, ки бар асари он бофтаҳои устухон нобуд мешаванд, метавонад ба ҳар як шахси коронавирусро аз сар гузаронида таҳдид намояд. Ба гурӯҳи эҳтимолии хатар тамоми шахсоне, ки ба бемории “Ковид-19” гирифтор гашта буданд, сарфи назар аз синну сол ва дараҷаи вазнинии бемории аз сар гузаронидаашон дохил мешаванд.
Коршиносон пас аз таҳлили намунаҳои бофтаҳои устухонҳои 88 нафар беморон, ки ҳангоми протезгузорӣ гирифта шуда буданд, ба чунин хулоса омадаанд: 41 нафари ин беморон бо остеонекрозҳои пас аз COVID-19-и сари сутун (ONFH) ва 47 нафар бо ин беморӣ бо этиологияи дигар гирифтор гашта буданд.
