Дар шаҳрҳои муқаддаси Макка ва Мадина обхезии калон ба вуҷуд омадааст.
Дар ин ду шаҳри бузург ва муқаддас, ки зиёратгоҳи тамоми мусалмонони ҷаҳон ба шумор мераванд, тӯли чанд рӯзи охир боронҳои шадид борида, инҷиқиҳои табиат боиси обхезӣ гаштааст.
Тамоми кӯчаҳоро об зер карда, роҳҳои мошингард бар асари обхезӣ вайрон шуда истодаанд. Одамон кӯшиш мекунанд, ки ба ҷойҳои бехавфтар паноҳ бибаранд.
Идораи обуҳавошиносии Арабистони Саудӣ бо сабаби боронҳои шадид ва обхезӣ ҳолати изтирорӣ эълон намудааст.
