30-юми октябри соли 2024 соати 17:30 дар кинотеатри «Ватан» нахустнамоиши филми ҳунарии «Танҳо ту», ки бо коргардонии Умедшо Мирзоширинов рӯйи навор омадааст, баргузор мегардад.
Бино ба иттилои “Тоҷикфилм”, филм дар жанри драмаи оилавӣ таҳия гардида, масоили иҷтимоӣ ва ишқу покизагиро тараннум намуда, манзараҳои дилфиреби Тоҷикистонро дар пардаи синамо ҷилвагар месозад.
- Дар раванди филмбардорӣ ҳунарпешаҳои касбию соҳибтаҷриба ҷалб гардида, гурӯҳи эҷодӣ дар ҳайати коргардони таҳиягар Умедшо Мирзоширинов, наворбардори таҳиягар Шуҳрат Қурбонов, рассом Эраҷ Искандаров, директори филм Суҳроб Юсупов ҷиҳати рӯйи кор омадани филм заҳмат кашидаанд,- меафзояд манбаъ.
