Ҳар кӣ хандонад ятими хастаро,
Боз ёбад ҷаннати дарбастаро.

Дар доираи дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ва дар пайрави ба ташаббусу иқдомҳои инсондӯстонаву хайрхоҳонаи Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе, муҳтарам Рустами Эмомалӣ соҳибкор, роҳбари Ҷамъияти дорои масъулияти маҳдуди “Сарманзил” ва вакили Маҷлиси вакилони халқи шаҳри Душанбе Маҳмудҷон Муродов, муовини раиси вилояти Хатлон Қурбон Амирхон ва раиси шаҳри Кӯлоб Назарзода Бахтиёр Худоёр туҳфаҳои Пешвои муаззами миллат, муҳтарам Эмомалӣ Раҳмон ва Раиси шаҳри Душанбе,муҳтарам Рустами Эмомалиро бахшида ба Соли нави меллодӣ ба Мактаб-интернати ҷумҳуриявии кӯдакони ятими шаҳри Кӯлоб, Мактаб-интернати №1-и ёрирасонӣ Кӯлоб ва Осоишгоҳи кӯдакона барои беморони сили шаҳри Кӯлоб расонида, ҳамзамон барои тарбиятгирандагон дастархони идона оростанд.
Зимни баромадҳояшон меҳмонон аз дастгириҳои ҳамешагии давлату Ҳукумати Ҷумҳурии Тоҷикистон ёдовар гардида, таъкид доштанд, ки Пешвои муаззами миллат, муҳтарам Эмомалӣ Раҳмон ҳамеша табақаҳои ниёзмандро дастгирӣ менамоянд.

Раиси шаҳри Кӯлоб Назарзода Бахтиёр Худоёр сипосу миннатдории тамоми мардуми шаҳри Кӯлобро ба Пешвои сулҳпарвару ятимпарвар муҳтарам Эмомалӣ Раҳмон, Раиси шаҳри Душанбе, муҳтарам Рустами Эмомалӣ, раиси вилояти Хатлон, муҳтарам Давлатали Саид ва соҳибкори муваффақи кишвар, муҳтарам Маҳмудҷон Муродов ҷиҳати дастгириҳои ҳамешагиашон баён намуд.