Дар натиҷаи тадқиқотҳои гузаронидашуда олимон ба чунин хулоса омаданд, ки хоби бисёр одамро ба инсулт гирифтор карда метавонад.
Нафароне, ки аз 9 соат зиёд хоб мераванд, бештар гирифтори руҳафтодагӣ мешаванд. Дар баробари ин, нафароне бештар руҳафтодаву маъюс мешаванд, ки аз бехобӣ азият мекашанд. Фаромӯш насозед, ки халалёбии хоб нишонаи руҳафтодагӣ аст, на сабаби гирифторшавӣ.
Нафароне, ки зиёд хоб мераванд, аксаран аз дарди сар шикоят мекунанд.
Агар миёнатон дард мекарда бошад, бисёр хоб рафтан боиси бештар гаштани дарди миён мегардад. Аз ин рӯ, миёнам дард мекунад гуфта, рӯзи дароз дар ҷогаҳ хоб наравед, баръакс ҳар қадаре метавонед фаъолтар бошед.
