20-уми апрели соли 2024 Ниммарафони XIV байналмилалии Душанбе баргузор мегардад.
- Ниммарафони XIV байналмилалии Душанбе бахшида ба Рӯзи пойтахт сурат мегирад,- хабар медиҳад Мақомоти иҷроияи ҳокимияти давлатии шаҳри Душанбе.
Гуфта мешавад, мусобиқаи байналмилалӣ бо мақсади устувор намудани робитаҳои ҳамкорӣ бо бародаршаҳрҳо ва шаҳрҳое, ки бо шаҳри Душанбе ҳамкории судманди иқтисодиву иҷтимоӣ доранд, баргузор мегардад.
Дар Рӯзи пойтахт баргузории дигар мусобиқаҳои варзишӣ, барномаҳои фарҳангиву оммавӣ ва озмунҳо дар назар аст.
