Дар Беморхонаи марказии шаҳри Исфара шуъбаи амрози занона кушода шуд. Дар ин бора аз Мақомоти иҷроияи ҳокимияти давлатии шаҳри Исфара хабар додаанд.

Шуъбаи амрози занона бо дастгоҳҳои муосири тиббӣ ҷиҳозонида шуда, барои таъмир ва навсозии он зиёда 1 миллиону 400 ҳазор сомонӣ сарф шудааст.

Мавриди истифодаи қарор гирифтани ин шуъба ба беҳтар шудани сатҳу сифати хизматрасонии тиббӣ ба бонувон мусоидат намуда, иқдоми хубест дар ҳифзи солимии зан - модар.