Гуласал Пӯлодова, овозхони 33-солаи тоҷик, ин ҳафта клиптаронаи нави худро бо номи “Медонӣ, намедонӣ” ба ҳаводорони ҳунараш тақдим намуд.
Шеър ва оҳанги суруд моли Ҷонибек Исомиддинов гуфта мешавад. “Мухлисони азизам, як суруди навро бо клипаш баҳратон пешкаш кардам. Боварӣ дорам, ки ба шумо писанд меояд”,-навиштааст Гуласал Пӯлодова дар саҳифаи Инстаграмаш. Клиптаронаи мазкурро аз рӯзи нашраш то ба ҳол дар саҳифаи “Muhammad Production” дар шабакаи YouTube зиёда аз 8 ҳазор нафар тамошо кардаанд. Корбарони шабакаҳои иҷтимоӣ сурудро хуш пазируфта, ба овозхон қуллаҳои аз ин ҳам баландтари санъатро орзу намудаанд.
