Ҳамасола 27-уми июн дар Тоҷикистон Рӯзи ваҳдати миллӣ таҷлил мегардад. Имсол ба ин муносибат реҷаи рӯзҳои корӣ тағйир ёфт.
Федератсияи иттифоқҳои касабаи мустақили Тоҷикистон гуфтааст, ки барои рӯзҳои истироҳатии пай дар пай сокинони кишвар рӯзи шанбеи ҳамин ҳафта, яъне 22-юми июн кор мекунанд ва рӯзи ҷумъаи ҳафтаи оянда, 28-уми июн истироҳат хоҳанд кард.
Ҳафтаи оянда сокинони Тоҷикистон аз рӯзи панҷшанбе то рӯзи душанбе, яъне рӯзҳои 27, 28, 29 ва 30-юми июн истироҳат мекунанд.
