Ҳамал (21 март-20 апрел)
Дар ин рӯз аз корҳои вазнини ҷисмонӣ худдорӣ намоед, вагарна осеб ёфтани мушакҳо ва ҷароҳат бардоштанатон эҳтимол дорад. Хайру саховат карданатон хуб аст, вале дар бораи худ низ фикр кунед. Дар рафъи масъалаҳои молиявӣ устокорона амал мекунед. Кордатон болои равған гашта, камбудиҳоро ҳал мекунед.
Савр (21 апрел-20 май)
Нақшаҳои оилавӣ дар ин рӯз аз дигар ниятҳоятон муҳимтар мешаванд. Хариди хӯрокворӣ, таъмири хурд ва дигар корҳоятон бобарор анҷом меёбанд. Эҳтимоли шамол хӯрданатон вуҷуд дорад, сари вақт чора андешида, масунияти баданро мустаҳкам созед, вагарна чанд рӯзро дар бистари беморӣ паси сар мекунед.
Ҷавзо (21 май-21 июн)
Агар дар ин рӯз байни волидон ва шахси дӯстдоштаатон интихоб кардан лозим ояд, ҳаёти шахсии худро интихоб намоед. Рӯзи бобарорест барои шинос кардани аҳли оила бо шахси дӯстдошта. Барои он ки пулҳоятон зуд тамом нашаванд, рӯйихати хароҷоти ҳаррӯзаи худро тартиб дода, маблағро тақсим кунед.
Саратон (22 июн-22 июл)
Гардишҳои ногаҳонии қисмат дар масъалаҳои молиявӣ ва касбу коратон дида мешавад. Ба хонаи нав кӯчидан, таъмир ва машваратҳои ҳуқуқӣ хуб анҷом меёбанд. Дар ин рӯз одати гапро ба рӯйи одам гуфтанро партоед. Агар нияти беҳтар сохтани буҷаи худ ё бо ободонии хонаву дар машғул шудан хоҳед, айни муддао аст.
Асад (23 июл-22 август)
Рӯзи серташвиш аст, худро ба даст гиред. Хусусан, пулҳои худро нағзакак пинҳон намоед, инчунин харид кардану қарз доданро маслиҳат намедиҳем. Ба асабонияту хасташавӣ низ роҳ надиҳед. Системаи асабатон дар ин рӯз хеле нозук мегардад. Асадҳо муҷаррад ногаҳон ошиқ мешаванду ҳаёташон нуру сафои тоза мегирад.
Сунбула (23 август-23 сентябр)
Дар ин рӯз ба фикру ақидаи наздикони худ бодиққат гӯш дода, аз нақшаву корҳояшон бохабар гардед. Тағйиротҳои куллӣ дар ҳаётатон дида намешавад, вале барои беҳтар намудани вазъи зиндагӣ бояд кӯшиш ба харҷ дода, манбаҳои нави даромадро ҷӯё шавед. Ба худтабобаткунӣ роҳ надиҳед.
Мизон (24 сентябр-23 октябр)
Дар ин рӯз саросема шуда, маблағи дар даст доштаи худро сарф накунед. Камбудиҳое, ки имрӯз сар мезананд, аз пешомади мушкилиҳои ҷиддӣ дарак медиҳанд, ки бояд аз пайи рафъ карданашон шавед. Бо нафароне, ки бо шумо ҷанг мекобанд, сар ба сар нашавед. Эҳтимол, шумо дӯстдоштаи худро хуб наомӯхтаед.
Ақраб (24 октябр-22 ноябр)
Дар ин рӯз корҳоятон барор гирифта, хусусан, дар ҷодаи ишқу муҳаббат хушхабар мешунавед. Нафаронеро, ки ба хотири шумо ҷонашонро қурбон мекунанд, қадр намоед. Маоши худро дар чанд рӯз сарф карда, тамоми моҳ бепул монданатон имкон дорад. Рашк боиси сард гаштани муносибатҳои ошиқона мегардад.
Қавс (23 ноябр-21 декабр)
Дар ин рӯз наздикон аз шумо қадаму рафтори ҷасуронаро интизоранд. Беҳ шудани вазъи молиявиатон имкон дорад. Кӯшиш намоед, ки табъи хушу болида ҳамсафаратон бошаду каме бо машқи бадан машғул шуда, саломатиро беҳтар созед. Мардҳо бояд фаромӯш насозанд, ки бонувон туҳфаву меҳрубониро дӯст медоранд.
Ҷаддӣ (22 декабр-20 январ)
Дар ин рӯз аз ҳар кори ночиз асабӣ мешавед. Мушкилу камбудиҳои калонро мардона ва дар танҳоӣ рафъ месозед. Ба реҷаи хӯрокхӯриатон диққати бештар диҳед. Барои хӯрдани хӯроки серғизо пулро дареғ надоред. Хусусан, аввали рӯз шикаматонро нағзакак сер кунед. Аз шахси дӯстдошта ё наздикон кӯмаки молиявӣ имкон дорад.
Далв (21 январ-18 феврал)
Дар ин рӯз таънаву маломати тарафайн имкон дорад, аз ин лиҳоз, ба ҳуҷум омода бошед. Дар рафъ намудани мушкилиҳо аз ҳад зиёд асабӣ нашаведу ба қаҳру ғазаб роҳ надиҳед. Нақшаҳои кашидаатон баногаҳ вайрон мешаванд, вале рӯҳафтода нашавед. Бегоҳирӯзӣ меҳмонҳои нохондаро интизор бошед.
Ҳут (19 феврал-20 март)
Дар ин рӯз ба пул сахт эҳтиёҷ пайдо мекунед. Бегонаҳоро аз нияту нақшаҳои худ огаҳ накунед, вагарна гапи зиёдатӣ гуфта, ба худатон зарар мерасонед. Душманон як камбудиятонро ёфта, ғайбату овоза мекунанд ва ин боиси асабхаробиятон мегардад. Дар масъалаҳои ошиқона якравӣ карданро маслиҳат намедиҳем.
