Spitamen
СТУДИЯИ АРАБШО, ДОНЖУАН ВА ТУПАЛАНГФИЛМРО МЕБАНДАНД?
3008

Дар пайи ташхиси мақомоти Тоҷикистон 4 студияи ютубӣ ошкор ва фаъолияташон қатъ шуда, таҳқиқи кори 30 студияи дигар идома дорад
Маҳмадсаид Шоҳиён, директори "Тоҷикфилм" зимни нишасти матбуотии ниҳодаш дар посух ба суоли Sputnik Тоҷикистон гуфт, ҳафтаи равон таҳқиқи фаъолиятҳои ҳудуди 30 студияе, ки маводи видеоиро таҳия ё дубляж намуда, дар шабакаи "YouTube" пахш мекунанд, шуруъ шудааст.

"12 савол пеш гузошта мешавад. Аз роҳбарияту гардонандаҳо сар карда, то ин ки чаро чунин матолибро таҳия ва дар Ютуб паҳн мекунанд, таҳқиқу ташхис мешавад. Пас аз анҷоми ташхис хулосаро ба мақомоти зидахл пешниҳод мекунем", - гуфт Маҳмадсаид Шоҳиён.
Директори "Тоҷикфилм" аз мақомоти мушаххас ном набурд, аммо шуморе аз студия ва каналҳои фаъол дар шабакаи "YouTube" – ро ном бурд. Инҳо аз қабили "Акаи братан" "Дӯстмурод Шарипов Донжуан", "Комрон Шоу", "Тупаланг филм", "Тв Тҷ", "Саъдӣ Арабшо", "СФ продюшн", "Қурбон Неъматов", "Ибрагимов", "Қаҳрамон Ютуб", "Олами синамо", "Раҳим Шоу про", "Чӣ ба кӣ", "Акбар Шоу", "Акбар про",  "Ҳамнафас" ва "Новий офис".
Маҳмадсаид Шоҳиён 4 студияеро, ки аллакай фаъолияташон аз сӯи "Тоҷикфилм" ё мақомоти дигар қатъ карда шудааст, номбар накард.

Сафар Ҳақдодов, раиси Иттифоқи синамогарони Тоҷикистон, гуфт, ҷилавгирӣ аз фаъолияти ин студияҳо аз имкон берун аст, чун "YouTube" моли Тоҷикистон нест, аммо он чӣ онҳо пахш мекунанд, воқеан нигаронкунанда аст.
"Ман имрӯз дар Фейсбук хондам, ки ҳамзабонони мо дар Эрону Афғонистон таҳлилҳое анҷом дода, ба контенти тоҷикӣ, он чиҳое, ки мегузоранд, хеле баҳои бад додаанд. Як санге ҳам ба фарҳанги мо ва ҳунари синамои мо андохта шудааст. Сохторҳои "Тоҷикфилм" шакл мегиранд ва ҳатман сари ин чизҳо ҷиддӣ машғул хоҳанд шуд. "Тоҷикфилм" ду сол шуд, ки таъсис ёфт.

Ҳатман механизмҳое пайдо мешаванд, ки чунин студияҳоро ба ҳамкорӣ ҷалб мекунанд ва афроди тасодуфиро канор мезананд. Ҳеҷ давлате иҷоза намедиҳад, ки (студияҳо) ба ин корҳо машғул шаванд. Роҳҳои маъмурӣ ҳам ҳастанд, аз қабили мусодираи дискҳо", - гуфт Сафар Ҳақдодов.

Бино ба нишондодҳои "YouTube", студия ё каналҳои ютубии тоҷикиро, ки мавриди ташхиси мақомот қарор гирифтаанд аз 10 то 300 ҳазор нафар пайгирӣ мекунанд. Ба гунаи мисол, каналҳои "Дустмурод Шарипов-Донжуан" 226, "Акбар Шоу" 109 ва "Комрон Шоу" 36,3 ҳазор пайрав ё обуначӣ доранд.
Тибқи иттилои "Тоҷикфилм", соли 2020 ин ниҳод 29 ҳазор дискро, ки умдатан дубляжи филмҳои туркиянд ва ҳам мӯҳтавои заъифу хилофи қонун дошта, ғайриқонунӣ паҳн шудаанд, тариқи шикастан нобуд кардааст.

Бино ба ин манбаъ, ин дискҳо ба ҳамон 30 студияи истеҳсолӣ тааллуқ доранд, ки на фақат бо студияҳои туркӣ созишномаи хариду фурӯши маводи аудиовизуалиро надоранд, балки фоқиди суроғаи ҳуқуқӣ ҳастанд ва худсарона ба истеҳсолу тариқи қочоқ пахш кардани маводи аудиовизуалӣ машғул мебошанд.
Бознашр аз Спутник

Поделиться новостью
Шарҳ
(5)
Сайфиддин 2021-02-12, 22:50
Ана хаминхо Кати Шабнам Тохири аз як хамир шурида шудагиан.... Шабнамро хам дар хамон чо бо худ ба кор гиранд. Бовар кнен нахондуме чи гапай дар амуча, ба Номи Аллох касам. Ами дидам ки хамон беманихо ва боз тахияи як бемании дигар, нахондум.
Посух
Махбуба 2021-02-13, 03:10
Cоз кардестан. Оиларо хам е сахт кунанд е хабарнигорхои хирфавиро ба кор даьват кунанд. Дигар аз Кадами Курбону Гулдонаву Фируза хабар шунидан ба касе ачиб нест. Агар хабарнигорон камтар маьдани мебуданд, хабархояшон хам боманитар мешуд. Чун доираи фахмишашон дар доираи хамонхост, албатта хабари дигареро сарфахм хам намераванд.
Посух
abdulloh 2021-02-13, 06:24
бехтарин кор кард хукумат и ютуберо бисё беномуш бешарм штдан
Посух
Шарора 2021-02-13, 12:43
ман хонандаи хамин оила хасьам
Посух
Дилором 2021-02-13, 12:57
Кобили кабул аст!!!Хеле икдоми хуб!!!Чунки маводхои бештари онхо ба одобу ахлок ва фарханги Шарки рост намеояд.
Посух
НОМАТОНРО НАВИСЕД
ШАРҲАТОНРО ГУЗОРЕД
Шарҳ
(5)
Сайфиддин 2021-02-12, 22:50
Ана хаминхо Кати Шабнам Тохири аз як хамир шурида шудагиан.... Шабнамро хам дар хамон чо бо худ ба кор гиранд. Бовар кнен нахондуме чи гапай дар амуча, ба Номи Аллох касам. Ами дидам ки хамон беманихо ва боз тахияи як бемании дигар, нахондум.
Посух
Махбуба 2021-02-13, 03:10
Cоз кардестан. Оиларо хам е сахт кунанд е хабарнигорхои хирфавиро ба кор даьват кунанд. Дигар аз Кадами Курбону Гулдонаву Фируза хабар шунидан ба касе ачиб нест. Агар хабарнигорон камтар маьдани мебуданд, хабархояшон хам боманитар мешуд. Чун доираи фахмишашон дар доираи хамонхост, албатта хабари дигареро сарфахм хам намераванд.
Посух
abdulloh 2021-02-13, 06:24
бехтарин кор кард хукумат и ютуберо бисё беномуш бешарм штдан
Посух
Шарора 2021-02-13, 12:43
ман хонандаи хамин оила хасьам
Посух
Дилором 2021-02-13, 12:57
Кобили кабул аст!!!Хеле икдоми хуб!!!Чунки маводхои бештари онхо ба одобу ахлок ва фарханги Шарки рост намеояд.
Посух
НОМАТОНРО НАВИСЕД
ШАРҲАТОНРО ГУЗОРЕД