Ширкати Tcell барандаи мукофоти бонуфузи байналмилалии bema! (Best Experience Marketing Awards) — яке аз рӯйдодҳои калидӣ дар соҳаи маркетинги рӯйдодӣ ва коммуникатсияҳои интегратсияшуда дар Русия ва ИДМ гардид.
Ду лоиҳаи ширкат аз ҷониби ҳакамони байналмилалӣ баҳои баланд гирифтанд:
- Дар номинатсияи «Беҳтарин фестивали мавзуӣ» ғолиб фестивали «25 сол пайванди дилҳо» гардид, ки дар Хуҷанд дар доираи ҷашни 25-солагии ширкат баргузор шуд. Лоиҳа бо дастгирии Раиси вилояти Суғд амалӣ гардид, ки аҳамияти стратегӣ ва фарҳангии онро барои минтақа таъкид намуд.
Макон — Қалъаи Хуҷанд — ба чорабинӣ рамзи махсус бахшид. Дар деворҳои таърихии он намоиши фарохи лазерӣ (3D mapping) бо мавзӯи ватандӯстӣ — ҳикояи визуалӣ дар бораи ташаккули давлатдорӣ, истиқлолият ва сарвати фарҳангии Тоҷикистон — намоиш дода шуд.
Пайвасти меъмории қадим ва технологияҳои муосир рамзи возеҳи рисолати Tcell гардид: эҳтиром ба гузашта, ояндасозӣ. Ин на танҳо як намоиш, балки изҳороти эҳсосотӣ дар бораи қудрати кишвар, анъанаҳо ва орзуи пешрафти он буд.
- Дар номинатсияи «Беҳтарин лоиҳаи мусиқӣ» оғози платформаи Navo Entertainment, ки бо дастгирии генералии Tcell амалӣ шуд, қадрдонӣ гардид.
Рӯйдоди калидии лоиҳа консерти муштараки «Навои Истиқлол» буд, ки бо ҳамкорӣ ва дастгирии Вазорати фарҳанги Ҷумҳурии Тоҷикистон таҳти сарпарастии забони тоҷикӣ — ҳамчун рамзи эҳтиром ба забони давлатӣ — ташкил карда шуд.
Маълумот дар бораи мукофоти bema!:
bema! (Best Experience Marketing Awards) — яке аз мукофотҳои асосии байналмилалӣ дар соҳаи маркетинги рӯйдодӣ ва коммуникатсияҳои интегратсияшуда мебошад, ки бузургтарин брендҳои Русия ва ИДМ-ро муттаҳид мекунад.
Дар солҳои гуногун ширкатҳое чун Яндекс, Сбер, Т-Банк, Росатом, VK, МТС, Алфа-Банк ва дигар пешвоёни бозор барои сазовор шудан ба ин мукофот рақобат кардаанд.
Лоиҳаҳоро ҳакамони экспертӣ арзёбӣ мекунанд, ки ба ҳайати он роҳбарони маркетинг ва коммуникатсияи бузургтарин корпоратсияҳо, аз ҷумла намояндагони VK, Алфа-Банк, МТС ва Росатом дохил мешаванд.
Барои Tcell ҳамчун ширкати миллӣ бо арзишҳои ҷаҳонии корпоративӣ, на танҳо намоиши дастовардҳои касбӣ дар арсаи байналмилалӣ, балки саҳмгузорӣ дар таҳкими пешрафт ва истиқлолияти кишвар, дастгирӣ ва пешбурди фарҳанги ғанӣ ва рангини Тоҷикистон — ҳам мероси таърихӣ ва ҳам рушди муосири он — аҳамияти принсипиалӣ дорад.
Қувваи бренд на танҳо бо технологияҳо, балки бо масъулият дар назди кишвар, фарҳанг ва ояндаи он чен карда мешавад.
Tcell дилҳоро мепайвандад — таърих ва муосирро муттаҳид намуда, забон, анъанаҳоро дастгирӣ мекунад ва рӯйдодҳое офаринад, ки ба қисми таърихи нави Тоҷикистони соҳибистиқлол табдил меёбанд.
