Салом! Писарчаи 10-солаам ҳангоми оббозӣ дар ҳавз тасодуфан афтода, дасташро шикаст. Як бор гаҷбандӣ кардем, аммо нагирифт. Маҷбур шудем, ки бори дуюм гаҷбандӣ кунем. Як ҳамсояам тавсия дод, ки аз ламинария истифода барам. Ростӣ чӣ будани ламинарияро намедонам, вале шарм доштам, ки бипурсам. Аз ҳамин сабаб ба шумо муроҷиат намудам, то дар бораи ламинария каме маълумот диҳед. Дар ҳақиқат он барои пайвастани устухонҳои шикаста кумак мекунад ё не?
НИСО, ш. Норак
Посухи табиби мардумӣ Садриддиншоҳ Ҷалолӣ:
- Хоҳари азиз, ламинарияе, ки ҳамсояатон ба шумо тавсия додааст, хокаи карами баҳрӣ мебошад ва онро аз дорухонаҳо дастрас кардан мумкин аст. Ламинария дар ҳақиқат манбаи микроэлементҳо ва намакҳои маъданӣ буда, ба дубора пайвастани устухонҳои кафида ва шикастагӣ ёрӣ мерасонад.
Тарзи истифодааш ин тавр аст: Як қошуқчаи чойхӯрӣ ламинарияро ба ғизои субҳу шом илова намуда, истеъмол мекунанд.
Боз як давои дигар
Барои зудтар пайвастани устухони шикаста ҳар рӯз 3-4 қошуқ творогро бо 1 қошуқ равғани офтобпараст ва як қошуқча асал омехта намуда, нӯши ҷон созед.
Пӯчоқи тухм ва шарбати насратан
Пӯчоқи тухм ва меваи настаран - хуч низ барои устухонҳои кафида ё шикастагӣ муфид аст. Пӯчоқи тухмро хушк карда, майда карда, баъд хокаи онро якқошуқчагӣ ба шахси даст ё пояш шикаста медиҳанд, настаранро бошад, ҷӯшонида, ба ҷойи чой истифода бурдан лозим аст.
