Устодони Консерваторияи миллии Тоҷикистон Исматулло Холиқов ва Исмоил Назриев рисолаҳои номзадиашонро ҳимоя карда, сазовори унвони баланди “дотсент аз рӯйи ихтисоси санъат” гаштаанд.

Дар ин бора зимни нишасти матбуотӣ дар Консерваторияи миллии Тоҷикистон ба номи Талабхӯҷа Сатторов маълумот доданд. Зикр гардид, ки устоди дигари консерватория Содиқ Нуруллоев низ рисолаи номзадӣ ҳимоя намуда, сазовори унвони дотсентӣ гаштааст.

Ҳуҷҷатҳои Баҳодур Неъматов низ барои дарёфти унвони илмии дотсент ба Комиссияи олии аттестатсионӣ пешниҳод гаштааст.