Ошпаз ва блогери тоҷик Зарифҷон Ҳоҷибоев, ки бо лақаби DjoniTedj машҳур гаштааст, дар мавсими дувуми лоиҳаи ошпазии Русия "Соҳибхоназанон бар зидди ошпазҳо: Ҷанг барои лаззат" ғолиб омада, сазовори ҷойи аввал гаштааст.
Тавре расонаҳои русӣ навиштаанд, блогери тоҷик яке аз лазизтарин таомҳои миллии тоҷиконаро бо санъати баланди ошпазӣ омода ва пешкаш карда, ҳакамонро мафтун намуд ва оҳиби ҷоизаи баландтарини ин озмуни овозадор гашт.
Дар рафти озмун Зарифҷон Ҳоҷибоев дар бораи таомҳои миллӣ ва урфу одатҳои мардуми тоҷик маълумотҳои хеле ҷолиб дода, ҳайати ҳакамон ва тамошобинони сершуморро бо фарҳанги миллии мо ошно намуд.
