Ҳаракати автобусҳо аз шаҳри Хуҷанди Ҷумҳурии Тоҷикистон ба шаҳри Новосибирски Федератсияи Россия аз нав барқарор карда шудааст. Акнун муҳоҷирони меҳнатӣ ва дигар зодагони Тоҷикистон имкон доранд бо нархи нисбатан арзонтар бо автобус ба Новосибирск сафар намоянд.

Автобусҳо дар ду шабонарӯз як маротиба аз Хуҷанд ҷониби шаҳри Новосибирск ҳаракат мекунанд. Аз шаҳри Хуҷанд автобус соати 22:20 ба роҳ баромада, аз рӯйи нақша бояд пас аз 50 соату 30 дақиқа ба ҷойи таъиншуда бирасад. Аз Новосибирск автобус ҷониби шаҳри Хуҷанд соати 10:25 ҳаракат хоҳад кард.

Сафари автобусҳо аз шаҳри Ҳуҷанд ба Новосибирск дар даврони пандемияи коронавирус қатъ гардида буд, вале ҳамакнун ин хатсайр аз нав барқарор карда шудааст.