Arzon Banner
ТОЛЕЪНОМАИ 15-УМИ ДЕКАБРИ СОЛИ 2020
2488

 

Ҳамал (21 март-20 апрел)

Дар ин рӯз ибодат кардану барои саломатии наздикони худ дуо хондан хуб аст. Никоҳ кардан ва ҳомиладоршавӣ дар ин рӯз нек аст. Дар муносибатҳои ошиқона гармиву самимият пайдо мешавад. Агар имкон дошта бошед, ҳатто ба нафарони ношинос низ кӯмаки худро дареғ надоред.  

Савр (21 апрел-20 май)

Рӯзи душвор аст. Ҳодисаҳои нохуш, садамаву бемориҳо имкон доранд. Ҳар қадами худро дониста гузоред, то ки аз нохушиҳо эмин бошед. Агар мошин меронда бошед, дар роҳ хеле боэҳтиёт бошед ва ба қоидавайронкунӣ роҳ надиҳед. Бо нафари бароятон наздик ё хешовандонатон мушкилӣ рух медиҳад.

 

Ҷавзо (21 май-21 июн)

Дар масъалаҳои иқтисодӣ бурдбории ногаҳонӣ имкон дорад, даромади пулӣ дар натиҷаи ҳамкорӣ ба даст меояд. Вақте расидааст, ки барои зиёд намудани маош кӯшиш намоед. Саломатии яке аз наздикон нохуб гашта, боиси изтиробатон мегардад. Дӯстдоштаи худро бо туҳфаи хотирмон шод гардонед.  

 

Саратон (22 июн-22 июл)

Дар ҳама кор меъёрро риоя намоед. Хусусан, дар хӯрдани хӯрок ва машқҳои ҷисмонӣ. Агар худро бад ҳис мекарда бошед, ба табиб муроҷиат кунед. Нисбати дӯстдоштаи худ хушмуомила бошед, сабабгори рух додани муноқиша нагардед. Дар хоб дидани сӯзан ва шишапора хуб нест.  

 

Асад (23 июл-22 август)

Дар ин рӯз эҳтимоли аз нигоҳи аввал ошиқ шуданатон вуҷуд дорад. Дар ҷойи кор бо касе баҳс накунед. Барои аз сар дур кардани фикрҳои мағшуш ва аз хона берун кардани чизҳои нодаркор рӯзи мусоид аст. Дар масъалаҳои пулӣ ба касе бовар накунед. Аз ошиқатон фаришта насозед, вагарна пушаймон мешавед.  

 

Сунбула (23 август-23 сентябр)

Рӯзи душвор аст. Хеле бодиққат бошед, то касеро ранҷонида, ба рашку ҳасуд гирифтор нагардед. Эҳтимоли бо дӯстону наздикон муноқиша карданатон зиёд аст. Каме нотоб гашта, асабиву норозӣ мегардед. Аз пайи пули калон надавед, вале ҳаққи худро соҳиб шавед. Қарзҳоятонро баргардонед.  

Мизон (24 сентябр-23 октябр)

Ташаббусҳоятонро дар ин рӯз атрофиён бо хушнудӣ қабул мекунанд, зеро ба шумо бовар доранду даромади хуби пулӣ оварданатонро интизор ҳастанд. Дар бораи дӯстдоштаатон хабаре шунида, дарҳол дилмонда нагардед, ҳақиқатро аз забони худаш гӯш карда, баъдан хулоса бароред.  

Ақраб (24 октябр-22 ноябр)

Дар ин рӯз масъалаҳои хариду фурӯши хона ва дигар амвол бобарор анҷом меёбад. Баъзеҳо барои беҳтар сохтани вазъи зиндагӣ маблағи калон қарз мекунанд. Нафароне, ки дар ин рӯз аз дӯстдоштаи худ ҷудо мешаванд, аз кори кардаашон пушаймон намегарданд. Айни замон вазъи саломатиятон хуб аст.  

 

Қавс (23 ноябр-21 декабр)

Барои сафару саёҳат рӯзи бобарор аст. Тамоми хафагиву дилмондагиҳоро фаромӯш кунед. Дар масъалаи молиявӣ кӯмаки касеро интизор нашуда, танҳо ба қувваи худ умед бандед. Нисбати шахси дӯстдоштаатон рашки беҳудаву бераҳмона рафтор карданатон аз рӯйи инсоф нест.  

 

Ҷаддӣ (22 декабр-20 январ)

Дар ин рӯз фикри роҳати шахсии худро кунед, агар табъатон болида бошад, мушкилиҳо низ ба назаратон ночиз менамоянд. Ба касе сирри дил накушоед, хусусан, дар масъалаҳои пулкоркунӣ хомӯшона амал кунед. Ба саломатии худ бодиққат бошед. Барои нафарони ошиқ рӯзи бобарор нест.

Далв (21 январ-18 феврал)

Агар қарздорон ҳар рӯз ба суроғатон меомада бошанд, бояд дарҳол қарзҳоятонро баргардонед, зеро айни замон вазъи молиявиатон чандон бад нест. Дар ин рӯз як нафар бо бахиливу тамаъ ба асабатон мерасад, беҳтараш ба ӯ диққат надиҳед. Баъди нисфирӯзӣ вазъи саломатиятон нохуб мегардад.  

Ҳут (19 феврал-20 март)

Дар ин рӯз тасодуфан бо нафаре вомехӯред, ки замоне сахт дӯсташ медоштед. Вохӯрии ошиқона хотирмон мегузарад. Нафароне, ки қарздоранд, бояд дар фикри баргардонидани маблағи гирифтаашон шаванд. Амалиётҳои ҷарроҳӣ ва табобати бемориҳо бобарор анҷом меёбанд.  

 

Поделиться новостью
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД