Қобилҷон Зарипов аз ҷумлаи сарояндагони машҳури тоҷик буда, дар санъати тоҷик сабку услуби хоси худро дорад ва таронаҳояш ҳамеша дилнишинанду писанди дӯстдорони санъати волои тоҷик мешаванд.

Ин ҳунарманди маҳбуб чанд рӯз қабл клиптаронаи навашро бо номи “Мастчоҳӣ” дар ютуб-канали писари худ Комилҷон Зарипов пешкаши мухлисони савту наво гардонд. Матни шеър аз Шоири халқии Тоҷикистон Камол Насрулло буда, оҳанг аз Сорбон Олимов ва Хайриддин Саид аст.

Клиптарона дар толори консертӣ сабт шудааст. Дар клиптарона худи устод Қобилҷон Зарипов ва гурӯҳи рақсӣ бо либосҳои қадимаи зебои Мастчоҳӣ сабт шудаанд.