Блогери тоҷик Мадина Басаева бо тахаллуси Дина Саева ҳамроҳи модар ва хоҳараш ба зиёрати хонаи Худо рафтаанд.

Мадина Басаева 24-уми августи соли 1999 дар шаҳри Душанбе таваллуд шудааст. Ӯ тиктокер, сароянда, ютубер ва модели машҳур бахусус дар Русия аст.

Мадина дирӯз бо нашри як акс дар шабакаи иҷтимоии Инстаграмм дар бораи Ҳаҷ карданашон хабар дод.

Ӯ зери акс чунин навишт: “Вақте ки хурд будам, ба худ қавл дода будам, ки орзуи ба хонаи Худо рафтани модарамро бароварда мекунам. Модарам кӯдакии хело бад дошт, ӯ марги шавҳарро пушти сар кард, танҳо 4 фарзандро калон кард ва тамоми зиндагӣ ва меҳрашро ба мо дод. Ман хело хушҳолам, ки тавонистам орзуяшро бароварда кунам. Модар, ташаккур барои буданат, барои хоҳар ва бародаронам, барои тарбия ва ҳамаи дастгириҳоятон!”.