Роҳҳои мошингарди шаҳри Душанбе аз кӯчаи Зебуниссо то кӯчаи Убайди Зоконӣ баста мешаванд.

Дар ин бора Раёсати корҳои дохилӣ дар пойтахт имрӯз иттилоъ дода, гуфтааст, ки сабаби баста шудани роҳ анҷом додани корҳои сохтмонӣ дар кӯчаи Мирзо Мастонгулов аст. Дар робита ба ин, ин ниҳод аз ронандаҳо хостааст, ки тавассути роҳҳои мошингарди кӯчаҳои ҳамшафат ҳаракат кунанд.

Мақомот нагуфтаанд, ки роҳи мазкур аз кай маҳдуд шуда, кадом рӯз дигарбора боз мегардад.