Маркази барқу гармидиҳии №2-и шаҳри Душанбе ба кор шуруъ намудаву Маркази барқу гармидиҳии №1-и пойтахт бо оби гарми қубурӣ таъмин шуда, дар назар аст, ки даҳаи дуюми моҳи октябр ба кор оғоз намояд.
Гуфта мешавад, ки Маркази барқу гармидиҳии №2-и шаҳри Душанбе пурра ба кор оғоз намуда, ҳамзамон шоҳқубурҳои марказҳои барқу гармидиҳии шаҳри Душанбе бо об пур ва барои таъмин намудани 4 ноҳияи шаҳри Душанбе пурра омодаи кор шуда, дар муҳлати муайяншуда марҳила ба марҳила ба кор шуруъ менамоянд.
Маркази барқу гармидиҳии №1 ва дегхонаҳои ғарбию шарқӣ ҳоло пурра омодаи кор мебошанд. Корҳои таъмирӣ дар таҷҳизоти асосии ёрирасон аллакай ба анҷом расонида шудаанд.
Дар мавсими зимистони солҳои 2025-2026 таъмини 3300 иншоот бо гармӣ дар назар дошта шудааст.
